اهلا بيكم ف DigitGuru Digital Marketing Blog

احنا مبسوطين جدا انك موجود معانا هنا ف البلوج اللى بنحاول فيه نقدم معلومات واخبار تفيد كل اللى مهتم بمجال الديجيتال ماركتنج

البلوج ده عن ال Facebook Spaces

انك تقضى وقت مع اصحابك وعيلتك بيخلق افضل الذكريات وبيكون من الصعب انك تكون جنب الناس اللى بتحبهم وهنا بتكون اهمية الواقع الافتراضى – Facebook Spaces Virtual Reality

طرق جديدة تتواصل بيها مع اصدقائك من خلال الواقع الافتراضى – Facebook Spaces

النهارده الفيسبوك بيقدم Facebook Spaces وده تطبيق جديد لل VR  واللى من خلاله تقدر تقابل اصدقائك ف بيئه افتراضيه تفاعليه اكنك ف نفس المكان معاهم

Facebook spaces هيتم اصداره لل Oculus Rift & Touch واللى بتقدر تحمله من Oculus Store

بيكون من السهل انك تخلق شخصيه بيمثلك بشكلك  الحقيقى وده ف Facebook Spaces وده بيخلى الناس تعرفك وان الواقع الافتراضى VR ده تحس انه حقيقي وانك بتقضى الوقت مع اصحابك بجد

كل اللى هتعمله انك تختار صوره من صورك على الفيسبوك وهيظهرلك اختيارات لشكلك جوه ال VR

تقدر تغير لون عنيك وشكل شعرك وملامحك لحد ما المنظر يناسب الشكل اللى انت عاوزه

بعد كده اتقابل مع اصحابك وهزر والعب وشارك التجربه مع الناس اللى بتهتم بيهم

بمجرد انك حددت شكلك هتبدا تبعت طلب اضافه لاصدقائك ف ال space اللى عملتها عشان يشاركوك التجربه

هتقدر ترسم على الهوا باسخدام قلم افتراضى عشان ترسم اى حاجه بتحلم بيها

وهتلاقى اختيارات كتيره من المحتوى اللى بيقدمه الفيسبوك بضغطه زرار

• تشوف ال فيديوهات اللى متصوره  360 والصور اللى تقدر تنقلك لاماكن جديدة
• انت واصدقائك تقدر تعيد لحظات من ذكرياتك او انك تعمل ذكريات جديدة وتشوف حجات انت مهتم تشوفها

شارك اللى تعرفهم ف اللعب

Facebook Spaces بيمكنك بسهوله انك تكلم صديق باستخدام مكالمات الفيديو ف الماسنجر عشان تقدر تجيب ناس اكتر معاك ف ال VR Space

هيقدرو يقبلوا لمكالمه ويكونو معاك ف عالم ال VR بتاعك وده عشان توريهم اخر رسوماتك او تشوف معاك فيديوهات بدرجة 360 اللى يحبوها اصدقائك او انهم يقضوا وقت معاك ف الشات

كمان هتقدر تستخدم سيلفى ستيك عشان تاخد صور من تجربتك وتشارك ذكرياتك اللى بتعملها ف ال VR مع اصحابك على الفيسبوك

اتحكم ف تجربتك

الفيسبوك يهمه ان Facebook Spaces تكون مكان مريح لكل المستخدمين ف اكيد هيكون ليك تحكم ف تجربتك عن طريق

• انك توقف المشاركه ف اى وقت وده هينقلك لمكان خاص تاخد فيه استراحه من باقى الاشخاص
• وممكن تعمل Mute او انك تخرج اصحابك من المساحه اللى عمتلها ف ال VR

Facebook Spaces عبارة عن مكان تتواصل فيه مع اصحابك وعيلتك اللى بتثق فيهم

نتمنى نكون قدرنا نشرحلكوا الخبر ده وهنستنى مشاركاتكم

متنساش تعمل شير للخبر ده