يعنى ايه Ransomware

ده نوع من الهجمات الالكترونيه واللى فيها الهاكر بيتحكم ف نظام تشغيل الكمبيوتر بتاعك وبيوقف اى امكانيه ليك انك تقدر تستخدمه وبيطلب منك فلوس ك فدية – Ransomware

اذاى بيوصل للكمبيوتر بتاعك

عشان يقدر الهاكرز ده انه يتحكم ف الكمبيوتر بتاعك هيكون لازم انه يحمل برنامج ف شكل فيروس على جهاز ف الشبكه واللى بيكون عن طريق انه يدور على حد يعمل داونلود ليه بالغلط او انه يفتكر انه حاجه مهمه مثلا

وهنا بمجرد ان البرنامج ده بقى موجود على الكمبيوتر ف هيتمكن الهاكر انه يبدا الهجوم بتاعه ويقفل عليك اى ملفات ف الشبكه وده بيحصل تدريجيا واحده واحده ف ان الملفات تكون متشفره

فى بعض الشركات عندها نظام حكايه قوى ومعقد قدرت انها تلاحظ اللى بيحصل وبدات تعزل ملفاتها عشان تتجنب الخساره دى

ايه هي WanaDecryptor – WannaCry

ده برنامج محدد عشان يقفل الداتا ف نظام التشغيل ف الكمبيوتر واللى بيترك ليك فقط بعض التعليمات اللى تعملها بعد اختراق جهازك

البرنامج ده بعد مايتحمل على الكمبيوتر بيقولك ان ملفاتك اتشفرت عشان تدفع او انك تخسر الداتا بتاعتك

اذاى تحمى نفسك من الهجوم

  • اولا لازم انك تعمل Packup للداتا بتاعتك ف مكان تانى
  • خد بالك من ان الطريقه اللى بيقدر بيها الهاكر انه يتحكم ف جهازك انه يخليك تحمل البرنامج وده ممكن يحصل من خلال استخدامك للمواقع الالكترونيه او انه يبعت ليك ايميل تفتحه

جزئية الايميل دى خد بالك منها جدا لانه بيقدر يبعتلك ايميل تتخيل انه من مكان موثوق منه زى بنك او مؤسسه مثلا وف بعض الاحيان من مدير ليك ف الشغل

  • ممكن كمان عن طريق تحميل برنامج من موقع معين واللى ممكن يكون بيعرض اعلانات فيها Male ware

بالتالى لازم تكون حذر جدا ومتفتحش اى ايميل مش واثق فيه

كمان انك تكتب الموقع اللى عاوز توصله بايديك مش انك تضغط علي لينك يوصلك بيه

  • استخدام antivirus واللى بيعمل سكان للملفات قبل تحميلها

الشركات الكبيره عملت انظمه دفاعيه ف حالة الاصابه بالفيروس ده واللى بتكون عن طريق اجهزه بتدافع اول مايلاحظوا الهاكرز

ليه الهاكرز بيطلبو الفيديه بالبيتكوين

ده لانها العمله الالكترونيه اللى بيكون مستحيل تتبعها وده عمله معروفه جدا بين المجرمين الالكترونين اللى بيعملو هجمات بالشكل ده

ال Kill Switch

فى باحث ف انظمة الحمايه الالكترونيه قدر بالصدفه انه يوصل لطريقه يوقف بيها انتشهار الفيروس واننا كراى

وكل اللى كلفه تقريبا 10 دولار واللى بيها اشترى الدوماين اللى كان بيتسخدمه الفيروس

والكلام ده كتبه على تويتر ف الاكونت MalwareTechBlog

واللى ف اكتر من تويته بعد كده بياكد ان الفيروس لسه مانتهاش وانه ده وقفه فقط لكن دى مش النهايه

2 COMMENTS

LEAVE A REPLY

Please enter your comment!
Please enter your name here