Twitter

Twitter : هو واحد من أشهر مواقع السوشيال ميديا واللى بيتم استخدامه للتدوين المصغر بحد أقصى 140 حرف للرسالة الواحدة

-ممكن المشترك يستخدم البرنامج من خلال الابكيشن نفسه او من خلال الرسايل النصية وشوية برامج كلها تبع تويتر

-وزى الفيس بوك ممكن تشوف اخر اخبار اصحابك والمواضيع اللى انت مهتم بيها او تدخل على بروفايل اى شخص انت بتتابعه

-بالنسبة لطريقة استخدام تويتر فهيا بتدور حول سؤال ” بتعمل اية دلوقتى ” وبمجرد تحديث الحالة ” ستايتس ” بتظهر لكل الفولورز اللى بيتابعوك

-من اكتر مستخدمي تويتر:

* اليابانيون ودة اللى خلى الشركة تطلق التطبيق باليابنية فى ابريل 2004

*وبالنسبة للعربية فتم استخدامها فى مارس 2012

-تقدر من خلاله تتابع اى شخص يهمك وبكدة هتقدر تعرف كل اخباره ويبلغ عدد مستخدميه 319 مليون وهو المنافس الاهم حاليا للفيس بوك .

-أما بقى عن فكرة تويتر فجت اصلا على شكل جلسة محادثة وفكر بين اعضاء شركة ” أوديو “وذلك عن طريق جاك دروسى وطالب جامعى فى جامعة نيويرك

-ولما نيجى للفكرة نفسها فهى عبارة عن استخدام الرسايل القصيرة عشان تتواصل مع عدد صغير من اصدقائك .

-فى البداية كان اسم الموقع “توتر” ودة لان الدومين ” تويتر ” كان محجوز وبعد 6 شهور اتغير لللاسم الحالى .

فى 21 مارس 2006 نشرت اول رسالة لتويتر من جاك دورسى.

-طيب يعنى اية تويتر ؟!

كلمة تويتر فى حد ذاتها هى عبارة عن انطلاق لانفجار صغير من المعلومات غير المرتبة وجت كلمة انطلاق من الطيور وعشان كدة اللوجو على شكل طائر.

-مؤسس تويترJake Dwrosy

 المبرمج ورجل الأعمال الأمريكي جاك دورسي، وقد تم تصنيفه كواحد من اكثر 35 شخصيه مبتكره تحت سن 35 وتم اختياره من اقوى 100 شخصية تأثيرا فى العالم

-نشأة الموقع :

-بداية الموقع كانت كتطور لمشروع قامت بيه شركة اوديو فى سان فرانسيسكو سنة 2006 وفى اواخر نفس السنة وتحديدا فى اكتوبر 2006 تم اطلاقه للمستخدمين

-بس بداية انطلاق وتحول تويتر من 20000 تويت فى اليوم ل 60000 تويت فى اليوم كان بسبب مؤتمر ” سكسوى” فى 2007

SXSWy

-واللى من بعده بقى معدل التويت كل 3 شهور بيوصل ل400000
-بعد سنة بالظبط كان عدد التويت كل 3 شهور بيوصل ل100 مليون تويت وفى  2010 كان فى 50 مليون تويت فى اليوم !!

-وزاد عدد التويتس فى يوينو ووصل 65 مليون تويت فى اليوم يعنى بحسبة بسيطة هتلاقى ان فى 750 تويت كل ثانية

-وبردو فى خلال سنة اتضاعفت تانى وبقت 140 مليون
-وفى أكتوبر 2009 تم ارسال اول تويت من الفضاء

-وأهم تطور بالنسبة للموقع فكان فى 2009 لما جوجل بدأت تظهر تغريدات العملا وتدويناتهم فى نتايج محركات البحث

-ودة زود عدد المستخدمين بشكل كبير وبقى تويتر تانى اهم موقع من مواقع السوشيال ميديا فى العالم

النواحى المالية:

شوية بيختلف تويترعن الفيس بوك بالنسبة للنواحى المالية لان تويتر قائم من البداية من فكرة لشركة وبالتالى فالنواحى المالية مختلفة وهى :

-أول تمويل للشركة كان بقيمة مابين 1 مليون – لحد 5 مليون دولار

-تانى مرة كان بقيمة 22 مليون دولار ودة كان بعد سنتين من ظهور تويتر يعنى فى 2008

-أما فى 2009 غهنلاقى المبلغ اتضاعف تقريبا عشان يوصل ل35 مليون دولار

-بعد كدة فى 2010 تم رفع الاستثمار المالى عشان يوصل ل 3.7 مليار دور

-وفى مارس 2011 بيع 35 الف سهم من اسهم تويتر بقيمة 7.8 مليار

-وبعدين فى ديسمبر 2011 استثمر الامير السعودى الوليد ابن طلال 300 مليون دولار فى تويتر

-وفى النهاية بلغت قيمة الشركة فى فى نفس السنة 8.4 مليار دولار

سمات الموقع:

*التويت:

هى رسايل قصيرة تقدر تشوفها بشكل عام على صفحتك الشخصية من الاشخاص اللى انت بتتابعهم واللى يقدرو يتحكموا فيها عن طريق الضبط والتحكم فى الخصوصية

*الريتويت :

هى اعادة ارسال الرسايل اللى موجودة على صفحتك من اشخاص اخرين او حتى اللى انت كاتبها

*الفولو:

هى متابعة شخص ما عشان تظهرلك كل اخبارة والتويت اللى بينزلها

*الهاشتاج :

من اهم المميزات فى الموقع واللى اتنقلت بعد كدة للفيس بوك ومن خلالها بتقدر تعرف راى الناس فى موضوع معين

*التريند :

دة بتقدر تختاره عشان تعرف اكتر المواضيع اللى الناس على تويتر بتتكلم عنها ودى ممكن تحددها على حسب ماانت تحب يعنى تختار التريند العالمى & المصرى وهكذا

*الرسايل الخاصة :

ودى بتكون بينك وبين الشخص اللى بتكلمه بس ومحدش بيقدر يشوفها او يتابعها

LEAVE A REPLY

Please enter your comment!
Please enter your name here