البيتكوين

حظرت جوجل متصفحها Google Chrome من عمليات التعدين عن العملات الرقمية ذي البيتكوين.

يعني ايه التعدين عن البيتكوين  Bitcoin mining

التعدين هنا هي وصف عن عملية أنتاج العملة نفسها

و من دلوقتي مش هتلاقي اي امدادات  extensions لمتصفح كروم يخص العملات الرقمية في سوق كروم Chrome Web Store

وجوجل قالت ان السبب وراء الحظر ده هو زيادة عدد الأضافات الخطرة أو الضارة في  Chrome Web Store

علي سبيل المثال:

اذا كنت عايز تضيف إضافات متصفح جديدة ذي أداة منع الأعلانات علي Google Chrome،

الأداة الجديدة دي هتمنع و هتحظر ظهور الأعلانات… يعني الأداة ظاهرياً شغالة لكن في الحقيقة ممكن الأداة الجديدة دي تستغل طاقة الجهاز أو اللاب توب في البحث أو التنقيب عن العملات الرقمية من غير موافقة أو أذن المستخدم

مثال تاني:

لو عندك برنامج خاص مثلا بيستخدم في حل عمليات حسابية معينة علي برنامج blockchain ، هيحصل ان المستخدم هيبدأ ينقب عن البيتكوين او اي عملات رقمية تانية من غير اذنه

تعدين العملات الرقمية عملية صعبة بشكل كبير، وده هيمثل خطر علي أداء الجهاز أو اللاب توب، بالإضافة إلي استهلاك الطاقة  الزائد و كل ده من غير موافقة المستخدم

اسباب منع أو حظر جوجل كروم التعدين عن العملات الرقمية:

جوجل كروم كانت بتسمح بعمل إضافات للتعدين عن العملات الرقمية، وكانت عملية التعدين بتحصل بشكل مباشر و مفتوح

لكن حوالي 90% من الأضافات دي اتمسحت أو اترفضت بسبب مخالفاتها و عدم اتباعها لسياسات كروم وبالتالي بيتم رفضها من سوق كروم

ودلوقتي مابقاش حد يقدر يضيف اي اضافات عن تعدين العملات الرقمية إلي سوق كروم، و حتي الأضافات الحالية هيتم مسحها بالتدريج حتي  شهر مايو الجاي

في لقاء صحفي قال James Wagner  مدير منتجات اضافات جوجل كروم

إن اضافات جوجل كروم قوية جدا وليها امكانات قوية و بتمكن المطورين من تحقيق استفادات قوية من جوجل كروم ، بس نفس الأمكانات دي أدت فرصة للمطورين الفاسدين انهم يضروا جوجل كروم علي حساب المستخدمين و ان السياسات الجديدة اللي هيطبقها جوجل كروم هتحمي المستخدمين و هتخليهم يستفيدوا بشكل أكبر من جوجل كروم و امكانياته الهائلة

اعلي سعر وصل ليه البيتكوين كان 20,000 دولار السنة اللي فاتت ونتيجة لإرتفاع السعر ده ظهر الأحتيال و النصب وتم سرقة حوالي 64 مليون دولار  من موقع NiceHash – سوق العملات الرقمية

ونتيجة للسرقات دي منع الفيسبوك و تويتر كل الأعلانات الخاصة بالعملات الرقمية و جوجل بدأ الحظر الفعلي من مارس اللي فات علشان تقدر تحمي الويب الخاص بيها من عمليات السرقة و الأحتيال،

ومن ضمن الخطوات اللي عملها جوجل كروم أنه بدأ يمنع و يمسح كل الأعلانات الضارة

العملات الرقمية عالم كبير و واسع وبتحرر المستخدم من مراقبة البنوك ليه و لفلوسه..

لكن العالم ده بقا كله مشاكل حاليا و بدأت كل المواقع و الشركات التكنولوجية من حماية مواقعها من مشاكل و اضرار البيتكوين.

 

LEAVE A REPLY

Please enter your comment!
Please enter your name here