فيسبوك

هل الفيسبوك بيتصنت علينا ؟!

معظم الناس عندهم شك أن مواقع التواصل الأجتماعي ذي الفيسبوك و الأنستجرام بتتصنت و بتسمع الحوارات اللي بتدور بينهم.

والشك ده تقريبا عند كل الناس و علشان كده Mark Zuckerberg المؤسس التنفيذي للفيسبوك اتكلم في موضوع التصنت في جلسة الأستماع للكونجرس الأسبوع ده و مارك سمي الشك ده بنظرية المؤامرة

وأكد مارك ان أشاعات التنصت  خرافة و أنه عارف الأسباب اللي بتخلي الناس تعتقد في وجود خرافة التصنت و السبب ان الأشخاص دول بيلاقوا قدامهم اعلانات ممولة تخص أشياء أو منتجات اتكلموا عنها مع اشخاص اخرين >> ومايعرفوش ايه السبب؟

طيب ازاي الفيسبوك بيعرف اهتمامات المستخدم؟

بيعرف ازاي المواضيع اللي اتكلم فيها المستخدم؟

ليه بتظهرله اعلانات متعلقة بالأمور دي؟ في نفس اللحظة

رد الفيسبوك كان ان اي حوار أو مناقشة حصل بين المستخدم و شخص اخر مش هو السبب المباشر علشان يظهرلك اعلانات معينة، أنما السبب هو كل حاجة بيعملها المستخدم اونلاين او اوفلاين

الشركة بتعرف اهتماماتك من خلال المتصفح لو بتدور علي حاجة

وكمان لما بتضغط  Like علي بوست او صورة كل ده بيتسجل في نشاط الويب الخاص بيك

باللإضافة للخصائص الديموغرافية اللي بيحددها المستخدم ذي موقعه والأصدقاء والأهل والمشتريات و كمان صوره الشخصية اللي بتتحمل علي الفيسبوك الخاص بيه

معني كده ان الفيسبوك بيعرف عنك كتير ومش محتاج انه يتنصت علي كلامك

و علي حسب كلام مارك ان الفيسبوك مايقدرش يتنصت علي المستخدمين لأن ده انتهاك للقوانين بالإضافة ان الفيسبوك مش محتاج يعمل كده لانه من خلال طرق كتير تانية يعرف كتير عن المستخدم وعن اهتماماته

LEAVE A REPLY

Please enter your comment!
Please enter your name here