IGTV

من وقت قصير أعلن أنستجرام عن دخول خاصية جديدة وهي خاصية IGTV، ودي خاصية بتسمح  ب عمل فيديوهات طويلة على عكس الموجود على أنستجرام واللي بتتراوح من 10-60 ثانية فقط.

وجت الفكرة دي عشان تدي فرصة أفضل لصناع المحتوى إنهم يسجلوا فيديوهات طويلة أكتر، وده معناه زيادة التفاعل مع جمهورهم وتقوية العلاقة بينهم.

الابليكيشن ده بيتيح فرصة إنشاء محتوى مدته بتوصل لحد 60 دقيقة، ولكن ده بيكون للقنوات الموثقة فقط، لكن القنوات العادية عندها فرصة لعمل فيديو بيوصل لحد 10 دقايق.

للوهلة الأولى ممكن تشوف إن IGTV خاصية بسيطة نسبيا، لكن في المستقبل القريب هيكون ليها تأثير قوي جدا سواء في مجال الترفيه أو في مجال البيزنس والماركتنج، خصوصا وإن أغلب الإحصائيات بتتكلم عن إن مستقبل السوشيال ميديا في المحتوى اللي في شكل فيديوهات.

عشان كده خلينا ناخد جولة سريعة نتعرف فيها عن قرب على خاصية IGTV الجديدة من أنستجرام:

  • الفيديوهات على IGTV بتكون Full Screen وبشكل عمودي.
  • مدة الفيديو بتكون من 15 ثانية لحد 60 دقيقة ( لحد دلوقتي مدة ال 60 دقيقة مقتصرة على الحسابات الموثقة فقط، أما باقي الحسابات معاها لحد 10 دقايق تسجيل).
  • تقدر تعمل like أو comment على أي فيديو بتشوفه على IGTV_app.
  • أول ما بتدخل على IGTV بتبتدي تتعرض الفيديوهات قدامك بشكل تلقائي.
  • تقدر تتابع فيديوهات IGTV من خلال أنستجرام أو حتى تقوم بتحميل IGTV_app نفسه على موبايلك.
  • صناع المحتوى بيكون عندهم قنواتهم الخاصة زي اليوتيوب بالظبط.
  • تقدر ترفع الفيديوهات بتاعتك من خلال IGTV_app أو من خلال الموقع الرسمي للابلكيشن.
  • أنستجرام وعد صناع المحتوى المشهورين وأصحاب التأثير القوي على IGTV بإنهم يقدروا يحولوا مجهودهم ده لفلوس في المستقبل القريب.

جرب IGTV دلوقتي:

أنستجرام بيقدم خاصة IGTV عشان يسد الفجوة ما بين فيديوهات اليوتيوب اللي محتاجة إنك تبحث عنها عشان توصلها، وما بين فيديوهات أنستجرام وسناب شاب اللي بتظهر تلقائيا لكنها قصيرة جدا.

موقع أنستجرام بيستخدمه أكتر من 500 مليون شخص حول العالم، وده معناه إنك لو استغليت الخاصية دي هتقدر تقوي علاقتك بجمهورك وتزود التفاعل مع البراند بتاعك بشكل كبير جدا.

مستنين تقولنا أول تجربة للابليكيشن ده

LEAVE A REPLY

Please enter your comment!
Please enter your name here