الموقع الإلكتروني - موقع إلكتروني

أي بيزنس في الدنيا لو بيفكر إنه يطوّر من نفسه ويكون له تواجد أون لاين بقوّة لازم يفكّر في عمل موقع إلكتروني قوي ومميز.

عمل موقع إلكتروني قوي ومميز ويقّدر يسيب علامة عند الجمهور تعتبر مهمة مش سهلة، ومحتاجة صبر وشوية وقت عشان تتنفذ بشكل كويس.

في المقالة دي هنتكلم عن 7 خطوات تقّدر تبني بيهم موقع إلكتروني مميز ليك وتحقق منه الهدف اللي عملته عشانه….يلا نبتدي.

  • محتوى ملائم ومترابط

المحتوى اللي بينزل على موقعك مش مجرد كلمات وعدد وخلاص، لازم تتأكد إن المحتوى بتاعك مترابط ببعضه وملائم للجمهور اللي بتستهدفه.

لو قدرت تعمل محتوى مترابط ببعضه وملائم لطبيعة وشخصية الجمهور، جوجل هيفهم ده كويس ويقدّره ويزود فرصتك في احتلال المراكز الأولى في البحث.

  • استخدام الصور والفيديوهات

تعتبر الصور والفيديوهات من أكتر أنواع المحتوى إنتشار وجذب للتفاعل، عشان كده لازم تهتم إنك تحط في كل صفحة من صفحات موقعك مجموعة من الصور والفيديوهات.

حاول تخلي كل جزء أو مقالة في موقعك مّرفق بصور أو فيديوهات مرتبطة بالموضوع، ده هيزود فرصتك في احتلال المراكز الأولى في الترتيب في جوجل.

  • الأخطاء الإملائية والنحوية

الأخطاء الإملائية أو النحوية من أكتر الحاجات اللي ممكن تقلّل من ترتيب موقعك في جوجل.

عشان كده حاول إنك تبعد عن الأخطاء دي بأي طريقة، زي مثلاً إنك تعيّين حد متخصص في التصحيح والتدقيق اللغوي وده عشان يساعدك في تصحيح أي خطأ في النحو والإملاء اللي ممكن تبقى موجودة في محتوى الموقع بتاعك.

  • تنظيم المحتوى

عملية تنظيم المحتوى بشكل يكون جذّاب ومريح لعين القارئ ده هيزود من فرصة إنه يقضّي وقت أطول على موقعك وهو مستمتع بالمحتوى اللي بتقدمهوله.

جوجل كمان هيقدر يعرف إن القارئ بتاعك قضّي وقت طويل على موقعك، بسبب تنظيم وترتيب المحتوى بشكل كويس وبالتالي هيكافئك بزيادة ترتيب موقعك في صفحات البحث.

  • استخدام روابط داخلية وخارجية

من أكتر الحاجات اللي بيحبها جوجل، هو إنك تستخدم روابط داخلية وخارجية في موقعك من خلال سياق المحتوى اللي بتقدمه.

خد بالك إن الروابط دي لازم تكون مرتبطة بالموضوع الأساسي اللي بتقدمه في موقعك، وكمان لازم تكون مرتبطة بالموضوع الفرعي اللي بتعرضه في كل صفحة على حدى.

  • عرض التجارب الشخصية

ناس كتير بتدور على دروس ونصايح تكون قايمة على تجارب وخبرات حقيقية من أشخاص هما بيثقوا فيهم وبيحبوهم.

عشان كده حاول تنقل خبرات وتجارب شخصية كتير على موقعك، وده هيضمنلك تفاعل أكتر مع المحتوى بتاعك، وكمان زيادة ترتيبك فى جوجل.

  • الإستفادة من السوشيال ميديا

في آخر كل مقالة أو قطعة محتوى حاول إنك توجّه جمهورك لمشاركة المحتوى ده على مواقع السوشيال ميديا سواء بشكل مباشر أو غير مباشر.

جوجل بيقدّر جداً المحتوى اللي بينتشر بسرعة على السوشيال ميديا، وبيرفع ترتيبه في صفحات البحث وده لأنه فاهم إن دي علامة على ثقة الجمهور ورغبته في مشاركة المحتوى المفيد ده مع أصدقائهم على السوشيال ميديا.

كل خطوة من الخطوات السبعة اللي اتكلمنا عنها في المقالة دي محتاجة تركيز ودقّة في التنفيذ

كمان محتاجة شوية وقت ومجهود عشان تتنفذ بالشكل المطلوب.

ركزّ دايماً إنك تطلّع موقعك في أحسن صورة، وتقدم شئ حقيقي ومهم للعميل بتاعك وده اللي هيخلّي جوجل يكافئك ويزود ترتيبك فى صفحات البحث.

LEAVE A REPLY

Please enter your comment!
Please enter your name here