Storytelling

الحدوتة أو ال storytelling زي ما علم التسويق بيسميها، هي أكتر وسيلة تقدر بيها أي brand إنها تقرّب من عملائها، وتخلق مكانها في مشاعرهم و ذهنهم.

البشر بطبيعتها بتحب التواصل ونقل الخبرات والتجارب سواء الناجحة أو حتى الفاشلة بينها وبين بعضها باستمرار.

ومن أهم طرق التواصل اللي مش بتنتهي أو بتختفي مع الزمن، هي الحكاية أو الحدوتة زي ما بحب اسمّيها.

وسط الزحمة وتسارع الزمن اللي بنعيشه دلوقتي، بقت عملية التسويق شئ مهم ومرهق جداً في نفس الوقت، لكن كلما كانت ال brand بتعتمد على حدوتة محبوكة وقريبة من الناس وتفكيرهم، كلما كان أسهل عليها في وقت قصير إنها تعلّق معاهم وتنتشر وسطهم.

في السطور الجاية هنتكلم عن أمثلة ل brands عالمية قدرت تستغل قوة وسحر ال storytelling في عمل فيديوهات بغرض زيادة التفاعل مع الجمهور، وازاي قدرت تحقق ده فعلاً في وقت بسيط.

  • Soulcycle

تعتبر Soulcycle واحدة من أهم ال Brands العالمية في مجال الرياضة والفيتنس، واللي ليها أسلوبها وفلسفتها الخاصة في تحسين حياة وشكل الناس من خلال ممارسة الرياضة.

أصلا فكرة Soulcycle اتولدت في مانهاتن بنيويورك سنة 2005، عن طريق شريكتين ليهم نفس الشغف والطموح وحب الرياضة المخلوط بحب البيزنس.

النهاردة وبعد مرور 13 سنة من انطلاقة Soulcycle وصلت القيمة السوقية لل Brand لمبلغ يفوّق 112 مليار دولار.

في الفيديو ده بنتعرض لحالة فريدة من حالات ال Storytelling، وهي الحالة اللي بتتكلم فيها ال Brand عن نفسها من خلال لسان الجمهور أو العملاء الحقيقين نفسهم لنقل تجاربهم الشخصية مع ال Brand دي.

  • lego

تعتبر Lego من أعرق ال Brands في العالم في صناعة لعب الأطفال، وليها منتجات وألعاب باسمها في السوق.

بدأت حكاية Lego في الدنمارك، في أربعينيات القرن اللي فات، ولكنها في السنين اللي فاتت لاحظت وجود فجوة كبيرة بين ال Brand وبين جمهورها المستهدف وده حصل لأسباب كتير مش وقتها دلوقتي.

مع تغيير الإدارة للشركة الدانماركية، كان لازم يحصل تغيير في سياسة التسويق، وكان الاعتماد على مفهوم ال Storytelling في عمل إعلان لل Brand ، بيحكي عن علاقة الإبن مع أبوه وازاي قدرت لعبة بسيطة تقرّب ما بينهم.

الفيديوهات اللي فاتت كانت مجرد أمثلة لازاي استخدمت ال Brands المختلفة قوة وسحر ال Storytelling في توصيل رسالتها وتقوية علاقتها مع الجمهور.

تقدر إنت كمان دلوقتي تبني حكايتك الخاصة وتشاركها مع جمهورك و هتلاقيهم أكيد مستنين يعرفوا حكاية ال brand بتاعك.

LEAVE A REPLY

Please enter your comment!
Please enter your name here