Responsive Search Ads

في أوائل 2018، Google Ads أعلنت عن إنشاء أداة  جديدة هتمكّن المعلنين من تحسين نتايجهم بشكل كبير وهي أداة Responsive Search Ads ، واللي كان ليها أثر كبير في نتايج المعلنين على Google Ads، وزودت من شعبية Google Ads كأداة إعلانية تنافس إعلانات السوشيال ميديا.

خاصية أو أداة Responsive Search Ads، هي ببساطة تعتبر A/B Testing Tool للإعلانات اللي بيعملها المعلنين على Google Ads عشان تعرّفهم إيه الإعلانات اللي ممكن تجيب نتيجة أكتر من الإعلانات التانية اللي بيختبروها عشان يطلعوا بأحسن نتيجة ممكنة ويبتدوا ينزلوا بيها كحملة إعلانية حقيقية.

رغم إن Responsive Search Ads كانت أداة رائعة من Google Ads، إلا إنها كان ناقصها شوية نقط بسيطة عشان تكون فعّالة أكتر، وده اللي اشتغلت Google عليه الفترة الاخيرة عشان تقدم لنا أدوات جديدة في خاصية Responsive Search Ads … وهنتكلم النهاردة عن أهم الأدوات دي.

في البداية  Google Ads هتوفّر للمعلنين إمكانية إنهم يشوفوا كل النتايج بتاعت كل توليفة للإعلانات على حدى، وده هيخلّيهم يكتشفوا بصورة أكبر إيه هي العناوين أو الكلمات اللي قدرت تجذب أكبر عدد ممكن من المهتمين، وده هيديهم فرصة أكبر إنهم يشتغلوا عليها ويركزوا مجهودهم عليها في المرات الجاية.

كمان في خاصية responsive search Ads تم إضافة “Best practices” كملاحظات عشان Google Ads تتأكد إن المعلنين فعلاً حطوا كل التفاصيل المطلوبة عشان يوصلوا للنتيجة اللي عايزين يحققوها من خلال أشكال مختلفة للإعلانات.

من ضمن ال options الموجودة حاليا في responsive search Ads، إن المعلنين هيقدروا يحصلوا على تقارير وقتية بخصوص إعلاناتهم بتوليفاتها المختلفة، وده عشان يكون قدامهم الصورة واضحة عن أكتر الأشكال الجذابة واللي حققت نتايج أكبر وأسرع.

خلينا متفقين إنك عشان تستفيد من كل الأدوات الجديدة اللي Google أضافتها لخاصية responsive search Ads، لازم تهتم إنك تختار أكتر من عنوان وأكتر من صورة للإعلان بتاعك اللي محتاج تحطه تحت الإختبار، والأهم إنك تختار العناوين والصور اللي فعلاً تحس إنها هتشدّ العميل بتاعك ومتوافقة مع ميوله وسلوكه، وده عشان تضمن نتايج حقيقية تساعدك في تحقيق أهدافك.

دلوقتي قولي إيه رأيك في تحديثات Responsive Search Ads اللي Google  أضافتها، وهل فعلاً هتقدر تستفيد منها ولا لا؟

LEAVE A REPLY

Please enter your comment!
Please enter your name here