صورة البراند
المفروض إن الهدف الرئيسي من وجود أي براند على السوشيال ميديا هو تحسيّن صورة البراند على السوشيال ميديا، وكمان تعزيزعلاقة ال براند ده مع الجمهور المستهدف بتاعهوده هيكون له أثر كبير أوي على التفاعل مع أي محتوى بينّشره على السوشيال ميديا.
 
لو زاد تفاعل الجمهور المستهدف مع المحتوى اللي بيقدّمه البراند،
ده معناه زيادة عدد المتابعين كمان على السوشيال ميديا وبالتالي زيادة نسبة المبيعات في النهاية وهو ده الهدف الأساسي لأي براند إنه يزوّد مبيعاته وأرباحه.
 

في مقالة النهاردة إحنا هنركّز على 4 أفكار مهمّة تقدر بيها إنك تحسّن من ظهوّرك وصورة البراند على السوشيال ميديا،

وده أكيد هيأثر على التفاعل والمبيعات في النهاية….يلا بينا.

  • حافظ دايماً على ال Voice الخاص بيك

ال Voice بتاعك على السوشيال ميديا هو ببساطة طريقة كلامك مع جمهورك،
ودي حاجة المفروض إنها تكون مميّزة ليك عن أي براند تاني، وبتثّبت مع الوقت في ذهن الجمهور بتاع البراند.
 
ال Voice بتاعك بيتحدّد من خلال أسلوبك في الكلام أو الرد على الجمهور بتاعك،
هل هو رسمي أوي ولا نص نص ولا Friendly أكتر وده طبعاً لازم يكون متوافق مع شخصية وصورة البراند بتاعك اللي حابب توصّلها للجمهور،
ولازم تحافظ على أسلوبك وطريقتك في أي محتوى بتنزّله على السوشيال ميديا عشان تبني صورة ذهنية معينة ليك عند الجمهور.
 
كمان استخدامك لبعض الكلمات أو المصطلحات بشكل مسّتمر في أي محتوى بتنزّله على السوشيال ميديا هيثبّت الـ Voice بتاعك في ذهن جمهورك أكتر وأكتر على المدى الطويل.
  • ثبّت الألوان والخطوط بتاعتك

زي ما اتكلّمنا في النقطة اللي فاتت عن تثّبيت ال Voice بتاعك على السوشيال ميديا،
لازم نتكلم دلوقتي عن تثبيت الألوان والخطوط بتاعتك.
شئ مهم أوي للبراند بتاعك هو إنك تختار مجموعة من الألوان والخطوط في الكتابة وتبتدي تثبّتها مع أي محتوى بتنزّله على السوشيال ميديا.
 
أبحاث ودراسات كتير في السوشيال ميديا،
أثبتت إن المستخدمين ساعات كتير بيعرفوا البراند من خلال الألوان بتاعته أو نوع وحجم الخطوط اللي بيستخدمها في كتابة المحتوى من غير ما يحتاجوا إنهم يدوّروا على اسم البراند نفسه….
 
عشان كده تثبيت الألوان والخطوط بتاعتك شئ مهم أوي للبراند بتاعك.
  • أوعى تنسى اللوجو بتاعك

لو خدت بالك إني قولتلك من شوية إن مستخدمي السوشيال ميديا عموماً بينجذبوا للألوان والخطوط بتاعت الكتابة قبل المحتوى نفسه، وعن طريقهم بيميّزوا أي براند عن التاني، ومن هنا لازم نتكلّم عن اللوجو.
اللوجو هو أكتر حاجة بتميّز البراند قدام الجمهور بتاعه،
واللي لازم كل براند يشّتغل عليه لحد ما يطّلع بأحسن صورة تناسب شخصية وصورة البراند اللي حابب إنها توّصل للناس.
تثبيت اللوجو مع أي محتوى بتنزّله على السوشيال ميديا،
هيكون فرصة كويسة لتثبيت الصورة الذهنية بتاعتك عند الناس وهيسهّل عليهم إنهم يعرفوك بسرعة ويتفاعلوا معاك على السوشيال ميديا.
  • اختار المحتوى اللي هتنّشره

المحتوى اللي بتكلّم عليه هنا هو المحتوى اللي بتشيّيره من مكان تاني،
لازم هنا يكون المحتوى ده متوافق مع مجال وشخصية البراند بتاعك بشكل أو بآخر،
 
يعني مثلاً مينفعش يكون شغلك في الماركتنج وتشيّر بوست عن الطبيخ أو اللبس،
ولكن ممكن تتكلم أو تشيّر أخبار عن ريادة الأعمال أو التكنولوجيا مثلاً وده هيكون مناسب ليك أكتر.

 

 

 

LEAVE A REPLY

Please enter your comment!
Please enter your name here