قبل مانتكلم ف تفاصيل ال 4Ps وايه هي ال 7Ps الصورة دي بتوضح مكونات الماركتنج ميكس – Marketing Mix

marketing-mix-defined

من الحجات الاساسية ان تكون عارف السوق اللى بتستهدفه و وتكون عارف اللى محتاجه السوق ده بالظبط عشان تقدمه وألا هتكون بترتكب خطا كبير ممكن يوصلك لفشل المشروع اللى بتحلم بتحقيقه

من ناحية تانيه بيكون مهم تكون عارف المفاهيم دي عشان تعظم ربحك وتحقق النجاح المطلوب لمشروعك

تعريف الماركتنج ميكس – Marketing Mix

The marketing mix definition is simple. It is about putting the right product or a combination thereof in the place, at the right time, and at the right price.

الماركتنج ميكس- Marketing Mix هو انك توصل المنتج الصح ف المكان والوقت المناسب والسعر المناسب

خبير تسويقي اسمه جيروم ماكارثي هو اللى اخترح المزيج التسويقي دي ف سنة 1960

وعشان نكون واضحين ف ال 4Ps هما اساس الماركتنج ميكس

4Ps-marketing-mix

  • المنتج – Product

مهم جدا ان الماركتير يسال نفسه هو انا ايه اللى ممكن اعمله عشان اقدم منتج احسن من المنافسين لنفس مجموعة المستهلكين

وهنا عشان تعمل المنتج الصح لازم تسال نفسك شوية اسئله

  1. ايه اللى محتاجه العميل من المنتج او الخدمه ؟
  2. العميل هيستخدمه اذاي ؟
  3. العميل هيستخدمه فين ؟
  4. ايه الخواص اللى المفروض تكون موجوده ف المنتج اللى العميل محتاجه؟
  5. هل فى خواص مهمه مش موجوده ف المنتج ؟
  6. هل عملت خواص العميل مش محتاجها ؟
  7. ايه هو اسم المنتج وهل ليه اسم جذاب ؟
  8. ايه الاحجام والالوان الموجوده ؟
  9. اذاي المنتج بتاعك مختلف عن منتج المنافس ؟
  10. المنتج نفسه عامل اذاي ؟

 

  • السعر – Price

المبلغ اللى بيدفعه المستهلك مقابل الانتفاع بالمنتج

السعر يعتبر عنصر مهم جدا من عناصر الماركتنج ميكس وتغيير السعر بياثر بشكل كبير ف الاستراتيجيه التسويقيه بتاعتك وكمان بياثر ف المبيعات والطلب على المنتج.

لازم ناخد ف الاعتبار ان السعر بيرسم مفهوم المنتج بتاعك ف عيون المستهلكين يعني لو قليل هيكون معناه ان المنتج ضعيف عند مقارنتها مع المنافس

وف حالة ان السعر عالي ف ده ممكن يوصل للمستهلك ان التكاليف اكتر من الفوائد

وعشان كده لازم تكون دارس اسعار المنافسين كويس جدا وانت بتصمم المنتج بتاعك

وهنا ف 3 استراتيجيات تسعير اساسية

  1. تسعير اختراق السوق
  2. تسعير خادع
  3. تسعير حيادي

وعشان كده مهم تعرف الاجوبه على الاسئله دي وانت بتحدد سعر المنتج بتاعك

  1. تكاليف انتاج الممنتج ده
  2. القيمة اللى العميل شايفها ف المنتج
  3. هل تعتقد انك لو قللت السعر بشكل طفيف هيزود حصتك من السوق
  4. هل سعرك الحالي يناسب السعر اللى بيقدمه المنافس
  • المكان – Place

مهم انك تحط المنتج بتاعك ف المكان المناسب للعملاء المحتملين ، وطبعا مش هتعرف ده الا لو كنت درست السوق بتاعك كويس جدا

وهنا ف مجموعة من استراتيجيات التوزيع

  1. توزيع مكثف
  2. توزيع حصري
  3. توزيع انتقائي
  4. حق امتياز

وهنا فى شوية اسئله لازم تجاوب عليها عشان تحدد استراتيجية التوزيع بتاعتك

  1. العملا بتوعك بيدوروا فين علي المنتج ده ؟
  2. ايه المحلات اللى بيروحها العملا المحتملين [ مول – محلات – سوبر ماركت – اونلاين ] ؟
  3. بتوصل اذاي لقنوات التوزيع ؟
  4. اذاي استراتيجية التسويق بتاعتك بتختلف عن المنافس ؟
  5. هل هتحتاج مجموعة بيع قوية ؟
  6. هل هتحتاج تحضر المعارض التجارية ؟
  7. هل هتحتاج تبيع اونلاين ؟
  • الترويج – Promotion

دي مهمه عشان بتزود معرفة عملائك للعلامة التجارية وكمان المبيعات

وهنا بيتكون العنصر ده من

  1. منظمة مبيعات
  2. علاقات عامة – الاخبار والمعارض وصفقات الرعاية
  3. الاعلان – التلفزيون و الراديو والانترنت
  4. عروض المبيعات

وهنا عشان تعمل استراتيجية عروض ناجحة لازم تجاوب على الاسئلة دي

  1. اذاي هتبعت الرسائل التسويقية للعملاء المحتملين ؟
  2. امتي الوقت المناسب لترويج للمنتج بتاعك ؟
  3. هل هتوصل لعملائك من خلال التلفزيون ؟
  4. هل افضل تستخدم السوشيال ميديا لترويج المنتج ؟
  5. ايه الاستراتيجية الترويجية للمنافس ؟

وف النهاية الاستراتيجية الترويجية بتعتمد على الميزانية والرسائل اللى عاوز توصلها لعملائك والسوق المستهدف اللى تم تحديدة مسبقا

ال 7Ps – Marketing Mix

وده نموذج بيعدل النموذج الاساسي ال 4Ps وشكل عام بيتم استخدام ال 7Ps ف صناعات الخدمات

marketing-mix-7p

وهنا هنكمل على ال 4 بيز

  • الاشخاص او العملاء – People

لما بتعمل الابحاث صح هتكتشف طبعا لو فى عدد كفاية من العملاء ف السوق اللى بتستهدفها اللى بتحتاج منتج او خدمة معينة

  • الاجراءات – Process

هي الانظمة والعمليات اللى بتاثر على تنفيذ الخدمة

عشان كده بيكون مهم انه يكون عندك اجراءات [ Sales Funnel او استراتيجة التوزيع او انظمة الدفع او غيرها ] مصممة بشكل جيد لتقليل التكاليف

  • الدليل الملموس – Physical Evidence

وهنا بيكون مهم ان يكون فى دليل على ان الخدمه تم تقديمها

يعني دليل ملموس على وجود المؤسسة التجارية يعني مثلا لما بنتكلم عن الوجبات السريعه مين اول محل هييجي ف بالك او لو بتتكلم على الملابس الرياضية مين اول محل افتكرته

ال 4Cs

النموذج ده تم تطويره من خلال Robert F. Lauterborn سنه 1990

ويعتبر تعديل على ال 4Ps وهو مش جزء اساسي من الماركتنج ميكس لكن ده امتداد ليه

marketing-mix-4cs

ودلوقتى هنتكلم عن مكوناته

  • التكاليف – Cost

السعر مش التكلفه الوحيده اللى بتدفعها لما بتشتري المنتج لكن كمان فى تكلفة تانيه اسمها تكلفة الفرصة البديلة

  • احتياجات ومتتطلبات العميل – Customer Value

الشركه اللى عاوزه تبيع منتج معين لازم تدرس احتياجات العملاء

  • الاتصال – Communication

من وجهة نظر لوتربون ان الترويج يعتبر استغلال لكن ال Communication ده حاجه تعاونية

الماركتيرز لازم يفتحوا حوار مع عملاءهم المحتملين لتحديد احتياجاتهم ومتطلباتهم

  • الملائمة – Convenience

لازم المنتج يكون متاح للمستهلكين عشان كده لازم توزيع المنتج ف عدد من النقاط المرئية

سواء كنت بتستخدم اي نموذج منهم ف لازم تكون عارف ان الماركتنج ميكس ليها دور اساسي جدا وعشان كده لازم تحط خطة توازن بين الربح ورضائ عملاءك

1 COMMENT

LEAVE A REPLY

Please enter your comment!
Please enter your name here