في بداية كل سنة جديدة، أي ماركتير شاطر بيكون عامل حسابه من أول السنة على خطة منّفصلة لاستغلال العطلات والأعياد اللي هتقابله طول السنة وبيكون مجهّز لها المحتوى والحملات الإعلانية الخاصة بيها كمان.

في المقالة دي هنتكلّم عن 5 نصايح مهمة اوي من خبراء الماركتنج والبيزنس في العالم لاستغلال العطلات والأعياد بشكل أمّثل على السوشيال ميديا

  • استخدم التقنيّات الجديدة

أول نصيحة بيقدّمهالنا Larry Kim مؤسس والمدير التنفيذي ل Mobilemonky بيقول فيها

إننا لازم نجرّب التقنيّات الجديدة على السوشيال ميديا خصوصاً في وقت العطلات والأعياد.

في وقت العطلات والأعياد هيكون قدامنا فرصة لتجربة حاجات كتير جديدة مع الجمهور بتاعنا،

ونقدر بعدها نبني خطة بقية السنة على النتايج اللي هتظّهر لنا.

من الحاجات اللي اتكلم عنها Larry Kim بالتحديد وشجّع عليها هي استخدام الـ  Messenger Chatbots

  • قدّم هدايا وجوايز لـ Top Fans بتوعك

من رأى Neil Patel إن الفترات دي فرصة حلوة اوي إنك تقدّم هدايا وجوايز لل Top Fans بتوعك على السوشيال ميديا.

وبيقول كمان إن

تقديم الجوايز والهدايا خصوصا ً في المناسبات بتكون فرصة كويسة أوي لزيادة نسبة التفاعل مع الجمهور 

  • استغلّ ال Stories 

خبيرة الماركتنج Mari Smith بتحفّز الماركتيرز إنهم يستغلّوا ال Facebook Stories وال Instagram Stories في خلّق قصص قصيرة مميّزة عن البراند،

والأهم هو الإعتماد على أسلوب الحواديت أو ال Storytelling عشان تجذب عدد أكبر من الجمهور خلال فترة العطلات والأعياد.

  • اعتمد على العاطفة

في وقت العطلات والأعياد بتكون العاطفة في أعلى درجاتها عند كل الناس، عشان كده لازم تكون معاهم في نفس المود.

حاول تقدم محتوى عاطفي أكتر للجمهور في المناسبات دي ، وتغذّي فيهم روح المرح والتسلية بعيد عن ضغط الشغل في الأيام العادية،

وده كان رأي Lee Odden مؤسس TopRank Marketing

  • قدّم عروض خاصة لفترة محدودة

عادة في فترات العطلات والأعياد بتكون الناس من مختلف الطبقات الاجتماعية

ومختلف التوجهات الشرائية بتكون متوقّعة من أي براند مهما كان مجاله إنه يقدّم عروض خاصة لفترة محدودة.

تطبيق النظرية دي من وجهة نظر Mark Schaefer صاحب كتاب Business Grow هيديك فرصة أكبر في التفاعل مع الجمهور بتاعك وزيادة نسبة ولائهم ليك وللبراند بتاعك.

تفتكر إيه هي النصيحة الأنّسب للبراند بتاعك؟

 

 

 

LEAVE A REPLY

Please enter your comment!
Please enter your name here