جودة التعليقات

فيه أخبار عن وجود اختبارات لتحديث جديد له علاقة ب جودة التعليقات على المنشورات على الفيس بوك

وده في خطوة جديدة من إدارة الفيس بوك لزيادة نسبة التفاعل مع المحتوى المعروض،

تحديث جودة التعليقات ده فكّرته

إتاحة الفرصة للجمهور على الفيس بوك إنه يقييّم مدى جودة التعليقات على أي منشور موجود على الموقع،

على أساس التقييّم ده بيحدد الفيس بوك التعليقات اللي هتظّهر في الأول قبل غيرها

التحديث له علاقة مباشرة برغبة الفيس بوك في زيادة التفاعل ما بين المستخدمين على المحتوى المنشور،

من خلال إظهار التعليقات اللي عليها تقيّمات عالية من الجمهور.

في أواخر السنة دي، إدارة الفيس بوك كانت بتواجه مشاكل كتيرة بخصوص انتهاكات بيانات ومعلومات المستخدمين على الفيس بوك، وده اتسبب في خساير مالية كبيرة وكمان نقص في التفاعل على الفيس بوك،

وده يمكن السبب الرئيسي ورا التحديث اللي بنتكلم عنه لزيادة نسبة التفاعل اللي قلّت في الفترة الأخيرة.

أعتقد إن التحديث ده مش هيكون الأخير في طريق سعي إدارة الفيس بوك إنها تستعيد قوّة التفاعل والإقبال على الموقع بعد المشاكل والهزّات العنيفة اللي اتعرّض لها الموقع في الفترة الأخيرة، وده اللي هيبان بقوّة في السنة الجديدة.

LEAVE A REPLY

Please enter your comment!
Please enter your name here