الديجيتال ماركتنج

مجال الديجيتال ماركتنج من أكتر المجالات اللي بنشوف فيها تغيّرات سريعة وقفزات كبيرة خلال وقت قصير جداً بالمقارنة بأي مجال تاني في حياتنا.

يمكن السبب في التطوّر السريع في الديجيتال ماركتنج هو إن عامل التكنولوجيا هو العامل الأساسي واللي مبني عليه المجال كله، وإحنا دلوقتي بنشوف تطوّرات سريعة في كل حاجة ليها علاقة بالتكنولوجيا.

بما إننا خلاص بنخّتم سنة 2018، ومستنين بفارغ الصبر سنة 2019 عشان نعرف هتعمل فينا ومعانا إيه بالظبط، خلينا نتكلم النهاردة عن 4 توقعات مهمة ممكن نشوفها في 2019…..يلا بينا.

  • نقص شعبية الفيس بوك في العالم

سنة 2018 كانت سنة كارثية على الفيس بوك بمعنى الكلمة، رغم كل التحديثات والتحسينات اللي حصلت في الفيس بوك طول السنة إلا أنها هتفضل من أسوأ السنين اللي مرّت عليه.

في اخر كام شهر من 2018 اتعرض الفيس بوك لحملات سلبية شديدة وده بسبب مشاكل كتير ليها علاقة بتسريب معلومات للمستخدمين وتوّجيههم ناحية آراء وأفكار معينة من خلال استخدام بياناتهم الشخصية على الموقع.

الأحداث دي كانت سبب في نزول شعبية الفيس بوك في الكام شهر اللي فاتوا خصوصاً في أوروبا، ومتوقّع إن النزول ده يسّتمر أكتر في 2019.

  • قوانين جديدة لانتهاكات البيانات والمعلومات في الولايات المتحدة

بناء على النقطة اللي فاتت، واللي حصل من اختراقات كتير لبيانات ومعلومات شخصية لمستخدمين على الإنترنت، فالولايات المتحدة الأمريكية بتفكّر إنها تعلن عن قوانين جديدة بخصوص إنتهاكات بيانات ومعلومات المستخدمين وتقّنين التصرّف فيها.

الولايات المتحدة الأمريكية تعتبرّ متأخّرة شوية في النقطة دي بالمقارنة مع الاتحاد الأوروبي اللي سبقّها في إصدار قوانين بخصوص انتهاكات بيانات ومعلومات المستخدمين على الإنترنت من فترة.

  • إنتشار تكنولوجيا ال native advertising

تعتبر تكنولوجيا ال Native advertising واحدة من مميزات سنة 2018 لإن زاد الاعتماد عليها في مجال الإعلانات بالمقارنة بالسنين اللي فاتت ومتوقّع زيادة انتشار التكنولوجيا دي في 2019 بشكل أكبر من السنين اللي فاتت.

  • زيادة إيرادات شركة أمازون من الإعلانات بشكل كبير

بعد موقع سناب شات بيجي موقع أمازون كتاني موقع في العالم بالنسبة لإيرادات الإعلانات الموجودة عليه، ومتوقّع إن الإيراد ده هيّزيد بنسبة من 10 لحد 20% خلال 2019.

تفتكر إيه التوقّع الأقرب إنه يحصل بجد في 2019؟

LEAVE A REPLY

Please enter your comment!
Please enter your name here