ROI

مشكلة قياس ال ROI بتواجه الآلاف من الماركتيرز حول العالم وده ظهر في تقرير أصدرته أكاديمية HubSpot العالمية

 المشكله هي إنهم مش بيقدروا يقيسوا بالظبط ال ROI أو العائد على الاستثمار المدفوع في حملات الديجيتال ماركتنج.

تقرير زي ده من أكاديمية متخصصة ومحترمة زي HubSpot معناه:

إن الماركتيرز عندهم مشكلة حقيقية موجودة في قياس مدى نجاحهم في حملات الديجيتال ماركتنج بتاعتهم،

وهل فعلاً الحملات دي قدرت تفرق معاهم في أرض الواقع ولا لا؟

النهاردة حابب انى اتكلّم معاك عن موضوع قياس ال ROI ازاي تحدد إذا كان شغلك في الديجيتال ماركتنج نجح فعلاً ولا لا؟

  • التتبّع أو تقنية ال Tracking

تقنية التتبع أو ال Tracking واحدة من أهم التقنيات اللي ممكن تستخدمها عشان تقدر تقييس مدى نجاح شغلك أون لاين أو في الديجيتال ماركتنج يعني.

بتقوّم تقنية التتبّع أو ال Tracking على إنك تقدر تتّبع أو تعرف بالظبط مصادر الـ Traffic اللي بيجيّلك ده جايلك منين بالتحديد.

بمعنى إنك شغال دلوقتي حملات إعلانية على أكتر من منصّة زي الفيس بوك أو جوجل

فلازم تعرف بالتحديد أنهي قناة فيهم هي اللي بتوصّلك عدد أكبر من الزوّار لموقعك.

فيه طرق أكتر للتتبّع أو أكتر عمق يعني، وده بتقدر من خلالها تحدد أنهي حملة إعلانية بالتحديد هي اللي فرقت معاك بالنسّبة لعدد الزوار والمبيعات.

فيه أدوات كتير ممكن تساعدك على تنفيذ مهمّة التتبع أو ال Tracking لأي Traffic جايلك،

ولكن ده يعتبر موضوع لوحده ممكن نحكي عنه بعدين.

  • تخزين الداتا على نظام ال CRM

نظام ال CRM أو ال Customers Relationship Marketing

هو النظام اللي بيساعدك في بناء علاقات قوية وطويلة المدى مع العملاء بتوعك، ومهم جدا ً يكون موجود عندك نظام زي ده.

بعد المرحلة الأولى وهي تتبّع ال Traffic وتحديد مصدره بالظبط،

دلوقتي جه دور نظام ال CRM في تحليل وحفظ البيانات أو الداتا دي، عشان تقدر تطلع بنتايج منها بعد كده.

أهم ميزة في نظام ال CRM هو إنه هيقدر يحدد لك التكلفة اللي بتتحمّلها في سبيل الحصول على Traffic من مصدر معين زي الفيس بوك أو جوجل أو أي مصدر تاني لل Traffic

  • قياس ال ROI

دلوقتي بشكل أو بآخر إنت حددت ال Traffic اللي بيجيلك من كل مصدر أون لاين،

وكمان من خلال نظام ال CRM قدرت تحدد التكلفة اللي اتحمّلتها عشان توّصل للعدد ده من الجمهور.

وبعد ما كل البيانات دي كلها دخلت على نظام ال CRM بتاعك،

هيكون قدامك إجابات مهمة عن العائد اللي طلع من كل مصدر لل Traffic

وبالتالي هتقدر توّصل بالتحديد لل ROI على كل مصدر فيهم.

أنا هنا حاولت أتكلم عن الموضوع بشكل مختصر أوي،

ومجبتش سيرة لأي أدوات ممكن تستعين بيها في ال Tracking أو تستخدمها في بناء نظام ال CRM لانهم كتير أوي وبيختلفوا في التفضيلات ما بين شخص والتاني.

LEAVE A REPLY

Please enter your comment!
Please enter your name here